ھىندىستان دۆلەتلىك كانچىلىق تەرەققىيات شىركىتى (NMDC) يېقىندا ھۆكۈمەت رۇخسىتىنى ئالغاندىن كېيىن، شىركەتنىڭ كارناتاكادىكى دونىمالاي تۆمۈر كانىدا قايتا ئىشلەشكە باشلىغانلىقىنى ئېلان قىلدى.

توختامنى يېڭىلاش مەسىلىسىدىكى تالاش-تارتىش سەۋەبىدىن، ھىندىستان دۆلەتلىك كانچىلىق تەرەققىيات شىركىتى 2018-يىلى نويابىردا دونىمارالاي تۆمۈر رۇدىسى كانىنىڭ ئىشلەپچىقىرىشىنى توختاتتى.
ھىندىستان دۆلەتلىك كانچىلىق تەرەققىيات شىركىتى يېقىندا بىر ھۆججەتتە مۇنداق دېدى: «كارناتاكا شىتاتلىق ھۆكۈمىتىنىڭ رۇخسىتى بىلەن، دونىمارالاي تۆمۈر رۇدىسى كانىنىڭ ئىجارە مۇددىتى 20 يىل ئۇزارتىلدى (2018-يىلى 11-مارتتىن باشلاپ يولغا قويۇلىدۇ)، ھەمدە ئالاقىدار قانۇنلار تاماملاندى. تەلەپ بويىچە، تۆمۈر كانى 2021-يىلى 18-فېۋرال ئەتىگەندە قايتا ئىشقا كىرىشتۈرۈلىدۇ».

دونىمارالاي تۆمۈر رۇدىسى كانىنىڭ ئىشلەپچىقىرىش ئىقتىدارى يىللىق 7 مىليون توننا، رۇدا زاپىسى تەخمىنەن 90 مىليون توننىدىن 100 مىليون توننىغىچە ئىكەنلىكى مەلۇم.

ھىندىستان تۆمۈر ۋە پولات مىنىستىرلىكىنىڭ تارماق شىركىتى بولغان ھىندىستان دۆلەتلىك كانچىلىق تەرەققىيات شىركىتى ھىندىستاندىكى ئەڭ چوڭ تۆمۈر رۇدىسى ئىشلەپچىقارغۇچى. ئۇ ھازىر ئۈچ تۆمۈر رۇدىسى كانىنى باشقۇرىدۇ، بۇنىڭ ئىچىدىكى ئىككىسى چاتتىسگارختا، بىرى كارناتاكادا.

2021-يىلى يانۋاردا، شىركەتنىڭ تۆمۈر رۇدىسى ئىشلەپچىقىرىش مىقدارى 3 مىليون 860 مىڭ توننىغا يېتىپ، ئۆتكەن يىلنىڭ ئوخشاش مەزگىلىدىكى 3 مىليون 310 مىڭ توننىدىن %16.7 ئاشتى؛ تۆمۈر رۇدىسى سېتىش مىقدارى 3 مىليون 740 مىڭ توننىغا يېتىپ، ئۆتكەن يىلنىڭ ئوخشاش مەزگىلىدىكى 2 مىليون 960 مىڭ توننىدىن %26.4 ئاشتى. (جۇڭگو كۆمۈر بايلىقى تورى)