ئاۋسترالىيە ستاتىستىكا ئىدارىسى (ABS) ئېلان قىلغان دەسلەپكى سودا سانلىق مەلۇماتلىرىدا كۆرسىتىلىشىچە، ئاۋسترالىيەنىڭ تاۋار سودا ئاكتىپ بالانىسى 2021-يىلى 4-ئايدا 10 مىليارد 100 مىليون ئامېرىكا دوللىرىغا يەتكەن بولۇپ، بۇ تارىختىكى ئۈچىنچى ئەڭ يۇقىرى سەۋىيىگە يەتكەن.
«ئېكسپورت مۇقىم بولدى. ئاپرېلدا ئېكسپورت 12 مىليون 600 مىڭ ئامېرىكا دوللىرى ئاشتى، ئىمپورت 1 مىليارد 900 مىليون ئامېرىكا دوللىرى تۆۋەنلىدى، بۇ سودا ئاكتىپلىقىنى تېخىمۇ ئاشۇردى» دېدى ئاۋسترالىيە ستاتىستىكا ئىدارىسىنىڭ خەلقئارا ستاتىستىكا باشلىقى ئاندرېۋ تومادىنى.
ئاپرېلدا، ئاۋسترالىيەنىڭ كۆمۈر، نېفىت، مېتال رۇدىسى ۋە دورىگەرلىك مەھسۇلاتلىرى ئېكسپورتى ئېشىپ، ئاۋسترالىيەنىڭ ئومۇمىي ئېكسپورت سوممىسىنى رېكورت ياراتقان 36 مىليارد ئامېرىكا دوللىرىغا يەتكۈزدى.
توماردىنى مۇنداق دېدى: مارت ئېيىدىكى كۈچلۈك ئېكسپورت نەتىجىسىدىن كېيىن، ئاپرېل ئېيىدا ئاۋسترالىيە مېتال رۇدىسى ئېكسپورتى %1 ئېشىپ، 16 مىليارد 500 مىليون ئامېرىكا دوللىرىغا يېتىپ، تارىختىكى ئەڭ يۇقىرى سەۋىيىگە يەتتى، بۇ ئاۋسترالىيەنىڭ ئومۇمىي ئېكسپورتىنىڭ تارىختىكى ئەڭ يۇقىرى سەۋىيىگە يېتىشىدىكى ئاساسلىق ھەرىكەتلەندۈرگۈچ كۈچ.
كۆمۈر ئېكسپورتىنىڭ ئېشىشى ئىسسىقلىق كۆمۈرى سەۋەبىدىن بولغان. ئاپرېلدا، ئاۋسترالىيەنىڭ ئىسسىقلىق كۆمۈر ئېكسپورتى 203 مىليون ئامېرىكا دوللىرى ئاشقان، بۇنىڭ ئىچىدە ھىندىستانغا ئېكسپورت قىلىنغان كۆمۈر 116 مىليون ئامېرىكا دوللىرى ئاشقان. 2020-يىلىنىڭ ئوتتۇرىلىرىدىن باشلاپ، جۇڭگونىڭ ئاۋسترالىيە كۆمۈرىگە بولغان ئېھتىياجىنىڭ زور دەرىجىدە ئازىيىشى سەۋەبىدىن، ئاۋسترالىيەنىڭ ھىندىستانغا ئېكسپورت قىلىنغان كۆمۈر مىقدارى ئۈزلۈكسىز ئېشىپ كەلگەن.
ئاپرېلدا، ئاۋسترالىيە ئىمپورتىنىڭ تۆۋەنلىشى ئاساسلىقى پۇلسىز ئالتۇن سەۋەبىدىن بولغان. شۇ ئايدا، ئاۋسترالىيەنىڭ پۇلسىز ئالتۇن ئىمپورتى 455 مىليون ئامېرىكا دوللىرى (%46) تۆۋەنلىگەن.