بىرازىلىيە تۆمۈر ۋە پولات جەمئىيىتى (IABr) نىڭ سانلىق مەلۇماتلىرىغا قارىغاندا، 2021-يىلى يانۋاردا بىرازىلىيەنىڭ خام پولات ئىشلەپچىقىرىش مىقدارى ئوخشاش مەزگىلدىكىدىن %10.8 ئېشىپ، 3 مىليون توننىغا يەتكەن.
يانۋاردا، بىرازىلىيەنىڭ ئىچكى سېتىش مىقدارى 1 مىليون 900 مىڭ توننا بولۇپ، ئۆتكەن يىلنىڭ ئوخشاش مەزگىلىدىكىدىن %24.9 ئاشقان؛ كۆزگە كۆرۈنەرلىك ئىستېمال مىقدارى 2 مىليون 200 مىڭ توننا بولۇپ، ئۆتكەن يىلنىڭ ئوخشاش مەزگىلىدىكىدىن %25 ئاشقان. ئېكسپورت مىقدارى 531 مىڭ توننا بولۇپ، ئۆتكەن يىلنىڭ ئوخشاش مەزگىلىدىكىدىن %52 تۆۋەنلىگەن؛ ئىمپورت مىقدارى 324 مىڭ توننا بولۇپ، ئۆتكەن يىلنىڭ ئوخشاش مەزگىلىدىكىدىن %42.3 ئاشقان.
سانلىق مەلۇماتلاردا كۆرسىتىلىشىچە، بىرازىلىيەنىڭ 2020-يىلدىكى خام پولات ئىشلەپچىقىرىش مىقدارى 30 مىليون 970 مىڭ توننا بولۇپ، يىللىق نىسبىتى %4.9 تۆۋەنلىگەن. 2020-يىلى، بىرازىلىيەنىڭ ئىچكى سېتىش مىقدارى 19 مىليون 240 مىڭ توننىغا يېتىپ، ئوخشاش مەزگىلدىكىگە سېلىشتۇرغاندا %2.4 ئاشقان. كۆرۈنگەن ئىستېمال مىقدارى 21 مىليون 220 مىڭ توننا بولۇپ، يىللىق نىسبىتى %1.2 ئاشقان. يۇقۇمنىڭ تەسىرىگە ئۇچرىغان بولسىمۇ، پولات ئىستېمالى كۈتۈلگەندەك تۆۋەنلىمىگەن. ئېكسپورت مىقدارى 10 مىليون 740 مىڭ توننا بولۇپ، يىللىق نىسبىتى %16.1 تۆۋەنلىگەن؛ ئىمپورت مىقدارى 2 مىليون توننا بولۇپ، يىللىق نىسبىتى %14.3 تۆۋەنلىگەن.
بىرازىلىيە تۆمۈر ۋە پولات جەمئىيىتىنىڭ مۆلچەرلىشىچە، بىرازىلىيە خام پولات ئىشلەپچىقىرىش مىقدارى 2021-يىلى %6.7 ئېشىپ 33 مىليون 40 مىڭ توننىغا يېتىشى مۇمكىن. كۆرۈنگەن ئىستېمال مىقدارى %5.8 ئېشىپ 22 مىليون 440 مىڭ توننىغا يېتىشى مۇمكىن. ئىچكى سېتىش مىقدارى %5.3 ئېشىپ 20 مىليون 270 مىڭ توننىغا يېتىشى مۇمكىن. ئېكسپورت مىقدارى 11 مىليون 710 مىڭ توننىغا يېتىپ، %9 ئېشىشى مۆلچەرلەنمەكتە؛ ئىمپورت مىقدارى %9.8 ئېشىپ 2 مىليون 220 مىڭ توننىغا يېتىشى مۆلچەرلەنمەكتە.
بۇ جەمئىيەتنىڭ رەئىسى لوپېز مۇنداق دېدى: پولات سانائىتىدىكى «V» نىڭ ئەسلىگە كېلىشىگە ئەگىشىپ، پولات ئىشلەپچىقىرىش كارخانىلىرىدىكى ئۈسكۈنىلەرنىڭ ئىشلىتىلىش نىسبىتى داۋاملىق ئاشتى. ئۆتكەن يىلىنىڭ ئاخىرىدا، ئۇ %70.1 كە يەتتى، بۇ ئۆتكەن بەش يىلدىكى ئەڭ يۇقىرى ئوتتۇرىچە سەۋىيىگە يەتتى.